Zapraszamy na polską stronę zespołu: www.zespol.wilamowice.pl

Bygrisa cy nojy internetzajd fu ynzyrum zespuł.

  Zespół Regionalny Pieśni i Tańca "Wilamowice" ej a ewenement y dy wełt, bo ret wymysiöerysiy kultür, śpröcht, trocht ana gywönhajt. Wymysoü ej a śtod, wu hota dy łoüt fu fremda łendyn gymocht. Hoüt nimanda wast siun ny fu wu, kynwer jok denkja do fu Belgia, Holond, Doüćłond oba fu Luxemburg. Zy köma y Wymysoü nöch Tatara, wu hota gybrin di at. Felajcht der prync fum Ojśwynca wułd hon dö mejer łoüt. Hoüt wymysiöeryś kon kuza jok 70 łoüt, ana do s’wyt ny śtarwa, y ynzer zyspuł  zyngwer ołdy zyngia, ym wymysiöeryś. Wir łiyn yns wymysiöeryś oü, ana etłikiy persün fu ynzyrum zyspuł kyna siun kuza. Wir zyngia an tonca ołdy łidła an tonca, oder hower nojy łidła an tonca oü, oder jok zyty, wu wün jyśter gyzunga y Wymysoü, ana zyty, wu höt ynzer łiwy patrön froü Jadwiga Bilczewska-Stanecka gyśrejwa. Zy höt gyśrejwa hefa łidła ana tonca. Mejer fu dom kynter łaza ym zajd „łidła an tonca”